典解臨放長假前D人都係Sort Sort地⋯⋯其實都只不過係放多一個禮拜一姐⋯⋯
1.
三個哥哥仔同一個姐姐仔陪住一個少男，衝過黎話少男仆親留血，即刻要睇醫生。
好啦姑娘2去扶住少男，周圍望下邊Q到流血咁大陣仗。見佢卷起一邊褲腳，望到淨係有撻蚊咬都大過佢嘅紅色一點。少男話就係呢度。🤦🏽♀️🤦🏽♀️🤦🏽♀️
我諗緊咁小事，俾著我PK完求其爆個粗，企番起身又一條好漢。我真係唔會去睇醫生⋯⋯
我開個Dressing Set幫佢洗So-Call好嚴重嘅傷口真係好唔環保。唔洗又俾人話冇醫德，唉，D後生咁脆弱嘅而家？
2.
A叫另外一個同事B黎睇醫生個陣，幫佢買平安藥包。話明平安藥，醫療卡就更係唔包啦。我地想收$個陣B嫌貴。B同姑娘們話A蠢，話佢自己黎睇醫生，求其扮病攞藥就唔洗俾$囉。又話A做咩要睇女醫生（即係我），話女醫生好衰。
喂呀嬸，人地俾埋$又唔洗你自己出。人地乖乖地買藥又關你事。你大大聲同姑娘講點呃醫療保險$你係傻定蠢？同埋上次得罪你個個係Part-Time醫生，唔係我囉OK？呢個世界得一千零一個女醫生嘅？！！
～～～～
我今日開始就每個禮拜番少一日工。俾多D時間諗下我下一步想點。可能以後再番少D。可能出面搵過第二份工。可能做D完全唔關醫療事嘅嘢⋯⋯ 我經理老細真係好煩⋯⋯
都係去食靚靚蛋糕唔諗住⋯
Search